ધોરણ ૬ ગુજરાતી પાઠ 7 : નવી નવાઈનું સરઘસ - સંપૂર્ણ સ્વાધ્યાય સોલ્યુશન

સ્વાધ્યાય સોલ્યુશન : પાઠ ૭ - નવી નવાઈનું સરઘસ

૧. શબ્દાર્થ, શબ્દસમૂહ અને રૂઢિપ્રયોગ (વાક્ય પ્રયોગ સાથે)

શબ્દાર્થ અને તેના વાક્ય પ્રયોગ જોવા ક્લિક કરો

શબ્દ	અર્થ	વાક્ય પ્રયોગ
ડોક	ગરદન	બળદે મસ્તીમાં પોતાની ડોક હલાવી.
ખાલીપીલી	વગર કારણે, અમથું	વાત સાંભળ્યા વગર ખાલીપીલી સવાલ ન પૂછાય.
પાણો	પથ્થર, પહાણ	તોફાની છોકરાઓ એકબીજા પર પાણા ફેંકતા હતા.
ટાઢા પડવું	નિરાંત રાખવી	ગવરી ગાયે કૂકડાને ટાઢા પડવા કહ્યું.
ઘાંટો પાડવો	બૂમો પાડવી	માલિક ગુસ્સામાં મોટો ઘાંટો પાડી રહ્યો હતો.
પલટણ	લશ્કરની ટુકડી	ભોલુ ઉંદરની આખી પલટણ સરઘસમાં જોડાઈ.
પંચાત	તકરાર કે ભાંજગડ	માણસોની પંચાતમાં આપણે પડવા જેવું નથી.
ગેલગમ્મત	લાડભર્યો ખેલ	બાળકો મેદાનમાં ગેલગમ્મત કરી રહ્યા હતા.
આગેવાન	નેતા, આગળ ચાલનાર	ટૉમી કૂતરો આખા સરઘસનો આગેવાન બન્યો.
માંહોમાંહ	અંદરોઅંદર	માણસો માંહોમાંહ લડીને મરી રહ્યા હતા.
ફોસી	બીકણ	કૂતરાએ બિલાડીને ફોસી કહીને ચીડવી.
શેખી	બડાઈ	માણસો પોતાની અક્કલ હોવાની ખોટી શેખી મારતા હતા.

---

શબ્દસમૂહ માટે એક શબ્દ:

• કોઈ ઘટના કે પ્રસંગ નિમિત્તે કે કોઈ દેખાવ કરવા માટે રસ્તા પર નીકળતો જન સમુદાય - સરઘસ (વાક્ય: રસ્તા પરથી પ્રાણીઓનું અનોખું સરઘસ પસાર થયું.)
• તકરારનો નિવેડો લાવવા નીમેલી પાંચ કે વધુ માણસોની મંડળી - પંચાત (વાક્ય: ગામના ઝઘડાનો ઉકેલ લાવવા સરપંચે પંચાત બોલાવી.)

---

રૂઢિપ્રયોગ:

• અધ્ધરપધ્ધર વાતો કરવી (ઉડાઉ જવાબ આપવો): કૂકડાએ ટૉમીને કહ્યું કે મારી સાથે અધ્ધરપધ્ધર વાતો ન કર.
• ઊભી પૂંછડીએ ભાગવું (જીવ લઈને ભાગવું): સાપને જોઈને ભોલુની ફોજ ઊભી પૂંછડીએ ભાગી જશે.

૨. વાતચીત (પ્રશ્નોત્તરી)

તમામ ૭ પ્રશ્નોના સવિસ્તર ઉત્તર જોવા અહીં ક્લિક કરો

1. તમારી શેરી કે મહોલ્લામાં તમને ક્યાં-ક્યાં પ્રાણીઓ રખડતાં જોવાં મળે છે?
   ઉત્તર: અમારી શેરીમાં ગાય, કૂતરા, ભૂંડ અને ક્યારેક ગધેડા રખડતા જોવા મળે છે.
2. તમને કયું પ્રાણી પાળવું ગમે? કેમ?
   ઉત્તર: મને કૂતરો પાળવો ગમે, કારણ કે કૂતરો ખૂબ જ વફાદાર પ્રાણી છે અને તે ઘરની રક્ષા કરે છે.
3. એકમમાંથી તમને કયા પ્રાણીનું પાત્ર ભજવવાનું ગમે? શા માટે?
   ઉત્તર: મને ટૉમી કૂતરાનું પાત્ર ભજવવું ગમે, કારણ કે તે ખૂબ હોશિયાર, નીડર છે અને તે બધા પ્રાણીઓને ભેગા કરીને દોસ્તીનું સરઘસ કાઢવાનો સરસ વિચાર આપે છે.
4. માણસોનું વર્તન તમને યોગ્ય લાગ્યું? શા માટે?
   ઉત્તર: ના, માણસોનું વર્તન યોગ્ય ન લાગ્યું. કારણ કે તેઓ નાની વાતમાં ઝઘડીને પથ્થરો અને લાકડીઓથી એકબીજાને મારે છે, જે સારી બાબત નથી.
5. ટૉમી કૂતરાએ બીજાં પ્રાણીઓને રોકીને સરઘસ કાઢ્યું ન હોત તો શું થાત?
   ઉત્તર: જો ટૉમીએ સરઘસ ન કાઢ્યું હોત તો માણસો અંદરોઅંદર લડતા જ રહેત, એકબીજાના માથા ફોડત અને ઘણું બધું નુકસાન થાત.
6. જો તમે પશુ-પક્ષીઓની ભાષા જાણતા હો તો શું કરો?
   ઉત્તર: જો હું પશુ-પક્ષીઓની ભાષા જાણતો હોત તો હું તેમની મુશ્કેલીઓ સાંભળત, તેમને કોઈ બીમારી હોય તો તેમની મદદ કરત અને તેમની વાતો માણસો સુધી પહોંચાડત.
7. માણસોએ પશુ-પંખીઓ પાસેથી શું શીખવા જેવું છે?
   ઉત્તર: માણસોએ પશુ-પંખીઓ પાસેથી એકબીજા સાથે હળીમળીને અને સંપથી રહેવાનું શીખવું જોઈએ.

૩. પાઠમાં આવતા ઉદાહરણ મુજબના શબ્દો શોધીને લખો

શબ્દો જોવા ક્લિક કરો

• દોડાદોડી
• લાતાલાતી
• મુક્કામુક્કી
• મારામારી
• ખાલીપીલી

૪. રેખાંકિત શબ્દનો સૌથી નજીકનો અર્થ ધરાવતા વિધાન સામે (✔) કરો

સાચા વિધાનો જુઓ

1. મારા માલિક પણ ચા પીધા પછી બહુ ઘાંટા પાડે છે.
   ✔ મારા માલિક ચા પીધા પછી બૂમાબૂમ કરી મૂકે છે.
2. ભોલુની ફોજ સાપને જોઈને ઊભી પૂંછડીએ ભાગશે.
   ✔ ભોલુની ફોજ સાપને જોઈને ગભરાઈને નાસી જશે.
3. ટૉમીની વાત સાંભળવાને બદલે લાલુ બકરો ખાલીપીલી સવાલ પૂછ્યા કરતો.
   ✔ ટૉમીની વાત સાંભળીને લાલુ બકરો અમથી (નકામી) વાતો કરવા લાગ્યો.
4. કકુ કૂકડો બોલ્યો, અધ્ધરપધ્ધર વાત ન કરો.
   ✔ કકુ કૂકડો બોલ્યો, નકામી પોકળ વાતો ન કરો.

૫. પાઠના આધારે જોડો: કોણ બોલ્યું અને શું બોલ્યું?

સાચા જોડકાં જુઓ

કોણ બોલ્યું	શું બોલ્યું?
ગવરી ગાય	આપણે શું કરીએ? એમને લડવાની ના શી રીતે પાડીએ?
બન્ની બકરી	જા! જા! તને કોણે કહ્યું? “હું હમણાં ત્યાંથી જ આવી!”
ટૉમી કૂતરો	તું પંખીની નાતમાં આવે, તારી જાત જુદી.
કાળુ કૂતરો	એને કરફ્યુ કહેવાય.
ગંગુ ગધેડો	માણસજાતની વાતમાં વચ્ચે પડવા જેવું જ નથી. મારે તો નથી જ પડવું.
લાલુ બકરો	લે એટલીય ખબર નથી. આગેવાન એટલે... આગેવાન.

૬. નીચેનાં વાક્યોને ઘટનાક્રમમાં ગોઠવો

સાચો ઘટનાક્રમ જોવા અહીં ક્લિક કરો

સાચો ક્રમ નીચે મુજબ છે:

1. પ્રાણીઓનાં મહોરાં પહેરેલાં પાંચ-છ બાળકો ગલીમાં ફરી રહ્યાં છે.
2. માણસજાતની વચ્ચે પડવા જેવું નથી.
3. જુઓ આપણે સરઘસ કાઢીને ચાર રસ્તા પર જવાનું છે.
4. કળજુગ નહીં, સતયુગ કહે, આ જો પ્રાણીઓ કેવાં હળી મળીને રસ્તે સરઘસ કાઢે છે!
5. બધાં તાળીઓ પાડતાં-પાડતાં પ્રાણીઓના સરઘસ પાસે જાય છે.

૭. અજબગજબ હરીફાઈની જાહેરાત પરથી પ્રશ્નોના જવાબ લખો

પ્રશ્નોના જવાબો જોવા ક્લિક કરો

1. અજયનો કૂતરો બધી જ હરીફાઈમાં ભાગ લઈ શકશે? શા માટે?
   ઉત્તર: ના, અજયનો કૂતરો બધી હરીફાઈમાં ભાગ લઈ શકશે નહિ, કારણ કે જાહેરાત મુજબ 'સ્પર્ધક કોઈ પણ બે હરીફાઈમાં જ ભાગ લઈ શકશે.'
2. મોનાલી ફી પેટે ₹ 150 ભરે છે તો તેણે તેના કૂતરાને કેટલી હરીફાઈમાં ભાગ લેવડવ્યો હશે?
   ઉત્તર: એક રમતની ફી ₹ 75 છે, તેથી 150 રૂપિયા ભર્યા હોય તો મોનાલીએ તેના કૂતરાને બે (૨) હરીફાઈમાં ભાગ લેવડાવ્યો હશે. (75 + 75 = 150).
3. તન્મયનો કૂતરો એક રજતચંદ્રક અને એક કાંસ્યચંદ્રક જીતે છે તો તેણે હરીફાઈમાં કયો નંબર મેળવ્યો હશે?
   ઉત્તર: રજતચંદ્રક માટે તેણે એક હરીફાઈમાં બીજો (દ્વિતીય) નંબર અને કાંસ્યચંદ્રક માટે બીજી હરીફાઈમાં ત્રીજો (તૃતીય) નંબર મેળવ્યો હશે.
4. આ હરીફાઈને કેમ 'અજબગજબ' નામ આપવામાં આવ્યું હશે?
   ઉત્તર: કારણ કે કૂતરાઓ માટે દોડ અને કૂદકા સામાન્ય છે, પરંતુ તેમને 'નૃત્ય' અને 'સ્વચ્છતા' જેવી અનોખી સ્પર્ધામાં જોડાવા માટે આ હરીફાઈ અજબગજબ છે.
5. સાક્ષી બિલાડી સ્પર્ધામાં ભાગ લઈ શકશે? શા માટે?
   ઉત્તર: ના, સાક્ષી બિલાડી સ્પર્ધામાં ભાગ નહિ લઈ શકે, કારણ કે આ સ્પર્ધા માત્ર પાલતુ કૂતરાઓ માટે જ યોજવામાં આવી છે.
6. આ અજબગજબ સ્પર્ધામાં કૂતરાંનાં કયાં કયાં કૌશલ્યો ચકાસાશે?
   ઉત્તર: કૂતરાંનાં દોડ, નૃત્ય, સ્વચ્છતા અને ઊંચો કૂદકો મારવા જેવાં કૌશલ્યો ચકાસાશે.

૮. વાક્યને નમૂના પ્રમાણે નમૂનેદાર બનાવો

જવાબો જુઓ

• ૧. ભીમની ગદાનું વજન વધારે છે. → ભીમની ગદા વજનદાર છે.
• ૨. આકાશમાં લહેરાતા તિંરગાની કેવી શાન છે! → આકાશમાં લહેરાતો તિરંગો શાનદાર છે.
• ૩. સરદાર પટેલની ભાષણની છટા અનોખી હતી. → સરદાર પટેલની ભાષણછટા અનોખી હતી. (અથવા ભાષણ છટાદાર હતું).
• ૪. ટમીના અક્ષર સરસ મરોડવાળા છે. → ટમીના અક્ષર મરોડદાર છે.
• ૫. પાદરના પીપળાની ઘટા ગાઢ છે. → પાદરનો પીપળો ઘટાદાર છે.
• ૬. આહ! આ પ્રવૃત્તિ કેવી મજાની છે! → આહ! આ પ્રવૃત્તિ કેવી મજેદાર છે!

૯. નીચે આપેલા ચિત્ર (પેટ્રોલ પંપ) ને આધારે પાંચ-છ વાક્ય લખો

ચિત્રનું વર્ણન જુઓ

• આ ચિત્ર એક મોટા પેટ્રોલ પંપનું છે.
• પેટ્રોલ પંપ પર ઘણી બધી ગાડીઓ પેટ્રોલ ભરાવવા માટે લાઇનમાં ઊભી છે.
• ચિત્રમાં લીલા, પીળા, વાદળી અને જાંબલી રંગની સુંદર મોટરો દેખાય છે.
• પેટ્રોલ પંપનો કર્મચારી (વ્યક્તિ) એક જાંબલી ગાડીમાં પેટ્રોલ ભરી રહ્યો છે.
• ત્યાં હવા પૂરવાનું મશીન અને એક નાની કેબિન/ઓફિસ પણ દેખાય છે.
• પેટ્રોલ પંપની પાછળ સરસ મજાના લીલાછમ વૃક્ષો આવેલા છે.

૧૦. પ્રશ્નોના મુદ્દાસર જવાબ લખો

તમામ ૮ મોટા પ્રશ્નોના જવાબ જોવા અહીં ક્લિક કરો

1. માણસને ‘સ્વાર્થનો સગો' શા માટે કહ્યો છે?
   ઉત્તર: કારણ કે માણસ માત્ર પોતાનો સ્વાર્થ જ જુએ છે. બન્ની બકરીના કહેવા મુજબ, ગંગુ ગધેડાની પીઠ પર ચાંદું થયું છે છતાં તેનો માલિક તેની દવા કરાવતો નથી અને રોજેરોજ તેની પાસે કામ કરાવે છે, તેથી માણસ સ્વાર્થનો સગો છે.
2. ટૉમી ગભરાયેલો શા માટે લાગતો હતો?
   ઉત્તર: ટૉમી ગભરાયેલો લાગતો હતો કારણ કે તેણે સાંભળ્યું હતું કે શહેરના ચાર રસ્તા પર માણસો વચ્ચે જબરદસ્ત તોફાન અને મારામારી ચાલી રહ્યા છે.
3. કકુ કૂકડાને શાનો ભય છે? કેમ?
   ઉત્તર: કકુ કૂકડાને ભય હતો કે માણસો પથ્થરબાજી અને લાતાલાતી કરી રહ્યા છે, એમાં જો તે વચ્ચે આવી જશે તો તેનો ભો થઈ જશે (મરી જશે), તેથી તે ગભરાઈને ભાગવા કહેતો હતો.
4. સરઘસને ‘નવી નવાઈનું સરઘસ' શા માટે કહ્યું હશે?
   ઉત્તર: કારણ કે આ સરઘસમાં દુશ્મન ગણાતા પ્રાણીઓ (જેમ કે સાપ-નોળિયો, કૂતરો-બિલાડી-ઉંદર) એકબીજાની બાજુમાં મિત્રોની જેમ હળીમળીને ચાલતા હતા, આવું અગાઉ ક્યારેય જોવા મળ્યું નહોતું.
5. “માણસજાતની વાતમાં વચ્ચે પડવા જેવું નથી." - ગંગુ ગધેડાએ આવું શા માટે કહ્યું હશે?
   ઉત્તર: કારણ કે ગંગુ ગધેડો માણસના સ્વાર્થી સ્વભાવને જાણતો હતો. માણસો ઝઘડતા હોય ત્યારે જો પ્રાણીઓ વચ્ચે પડે તો તેમને જ ડફણાં (માર) ખાવા પડે, તેથી તેણે આમ કહ્યું.
6. “મને માણસની ભાષા આવડે છે' - એવું ટૉમીએ શા માટે કહ્યું હશે?
   ઉત્તર: ટૉમી એક પાલતુ કૂતરો હોવાથી માણસો સાથે રહેતો હતો. તે માણસના હાવભાવ અને અવાજને સમજી શકતો હતો કે તેઓ ગુસ્સામાં છે કે શાંત, તેથી તેણે એવું કહ્યું.
7. એકમમાંથી કયું પ્રાણી તમને વધુ રમૂજી લાગ્યું? શા માટે?
   ઉત્તર: મને લાલુ બકરો વધુ રમૂજી લાગ્યો. કારણ કે જ્યારે 'આગેવાન' નો અર્થ પૂછવામાં આવે છે ત્યારે તેને ખબર નથી હોતી, છતાં તે ગોળ ગોળ વાતો કરીને ફાંકા મારે છે ("આગેવાન એટલે... એટલે... છે તે જાણે એમ કે").
8. ટૉમીની કઈ વાત તમને ગમી? શા માટે?
   ઉત્તર: મને ટૉમીની એ વાત ગમી કે જ્યારે બધા પ્રાણીઓ ભાગી જતા હતા ત્યારે તેણે રોકીને યાદ દેવડાવ્યું કે "માણસોએ બીમારી વખતે આપણને દવા આપીને બચાવ્યા છે, તો તેમને આમ ઝઘડીને નુકસાન ન થવા દેવાય." આ વાતમાંથી ટૉમીની વફાદારી અને સમજદારી દેખાય છે.

૧૧. “પ્રાણીઓ આપણા મદદગાર" આ વિષય પર પંદર-વીસ વાક્ય લખો

નિબંધ જોવા અહીં ક્લિક કરો

પ્રાણીઓ આપણા મદદગાર

પ્રાણીઓ મનુષ્યના સાચા મિત્રો અને મદદગાર છે. પ્રાચીન કાળથી જ પ્રાણીઓ ખેતી, વાહનવ્યવહાર અને સુરક્ષા માટે માણસને ઉપયોગી થતા આવ્યા છે. ગાય, ભેંસ અને બકરી આપણને પીવા માટે પૌષ્ટિક દૂધ આપે છે, જેમાંથી દહીં, છાશ, માખણ અને ઘી બને છે. બળદ ખેડૂતનો સાચો મિત્ર છે, જે ખેતર ખેડવામાં અને ગાડું ખેંચવામાં રાત-દિવસ મહેનત કરે છે. કૂતરો અત્યંત વફાદાર પ્રાણી છે જે ઘરની અને માલિકની ચોકી કરે છે, એટલું જ નહીં પોલીસમાં પણ ગુનેગારને પકડવા માટે ખાસ કૂતરાનો ઉપયોગ થાય છે.

ઊંટને રણનું વાહણ કહેવાય છે જે રણપ્રદેશમાં મુસાફરી કરવા અને સામાન ઊંચકવા કામ આવે છે. જ્યારે પહાડી વિસ્તારોમાં ગધેડા અને ખચ્ચર સામાનની હેરફેર માટે મદદરૂપ થાય છે. ઘેટા આપણને ઊન આપે છે જેમાંથી ગરમ કપડાં બને છે. પ્રાણીઓના મળમૂત્રમાંથી ઉત્તમ સેન્દ્રિય ખાતર બને છે જે પાકને ફળદ્રુપ કરે છે. આમ, પશુઓ ડગલે ને પગલે મનુષ્ય જીવનને સરળ અને સમૃદ્ધ બનાવે છે. આપણે પણ આપણા આ મૂંગા મદદગારો પ્રત્યે દયા અને પ્રેમ રાખવો જોઈએ અને તેમની રક્ષા કરવી જોઈએ.

૧૨. આપેલા શબ્દોનો ઉપયોગ કરી વાર્તા લખો

વાર્તા જોવા અહીં ક્લિક કરો

(શબ્દો: ચતુર, ભોળું, ડરપોક, લુચ્ચું, બહાદુર, માતેલું, ખડતલ, ઝડપી, નીડર)

ચતુર સસલું અને લુચ્ચું શિયાળ

એક જંગલમાં એક ભોળું અને સીધું સાદું હરણ રહેતું હતું. હરણ સ્વભાવે થોડું ડરપોક હતું. એ જ જંગલમાં એક લુચ્ચું શિયાળ પણ રહેતું હતું. શિયાળની નજર હંમેશા હરણ પર રહેતી. શિયાળ શિકાર કરવા માટે ખૂબ ઝડપી દોડી શકતું હતું. એક દિવસ શિયાળે હરણને ફસાવવા માટે જાળ બિછાવી.

હરણ તો શિયાળની મીઠી વાતોમાં આવી ગયું અને જાળ તરફ જવા લાગ્યું. ત્યાં જ જંગલનું સૌથી ચતુર અને બહાદુર સસલું ત્યાં આવી પહોંચ્યું. સસલું નીડર હતું. તેણે શિયાળની લુચ્ચાઈ પારખી લીધી. સસલાએ તરત જ પોતાના ખડતલ અને મજબૂત દાંત વડે શિયાળની જાળ કાપી નાખી.

શિયાળ જ્યારે માતેલું બનીને હરણને પકડવા દોડ્યું ત્યારે હરણ અને સસલું ત્યાંથી સલામત ભાગી ગયા હતા. આમ, ચતુર સસલાએ પોતાની નીડરતાથી ભોળા હરણનો જીવ બચાવી લીધો.

ભાષા સજ્જતા : વિશેષણ અને વિશેષ્ય

વિશેષણ અને વિશેષ્યની સમજૂતી

સમજૂતી:

• ઠીંગણું બાળક
• અનાથ બાળા
• કાટવાળો સિક્કો
• કાળી ગાય
• પાંચ કબૂતર
• ગરમ દૂધ

તારણ: ઉપરના શબ્દોમાં બાળક, બાળા, ગાય, દૂધ એ વ્યક્તિ કે વસ્તુની ઓળખ દર્શાવે છે તેથી તે "નામ" છે.

પરંતુ જે શબ્દ નામના આકાર, રંગ, કદ, ગુણ કે સંખ્યાની વિશેષતા બતાવે છે તેને "વિશેષણ" કહે છે. (જેમકે: બાળક કેવું? - ઠીંગણું, ગાય કેવી? - કાળી).

વિશેષ્ય: વિશેષણ દ્વારા જે શબ્દની (નામની) વિશેષતા દર્શાવવામાં આવે છે તે શબ્દને "વિશેષ્ય" કહે છે. (જેમકે: 'ભીની માટી' માં 'ભીની' વિશેષણ છે અને 'માટી' વિશેષ્ય છે.)

એકમ કસોટી : પાઠ ૭ - નવી નવાઈનું સરઘસ (કુલ ગુણ: ૨૫)

અધ્યયન નિષ્પત્તિઓ (LOs) આધારિત સ્વ-મૂલ્યાંકન કસોટી

LO: G6.6.9 શબ્દસમૂહ / રૂઢિપ્રયોગ

ગુણ: ૦૫

પ્રશ્ન ૧: નીચે આપેલા શબ્દો/રૂઢિપ્રયોગોના અર્થ લખો.

1. શબ્દસમૂહ: કોઈ ઘટનાના દેખાવ માટે રસ્તા પર નીકળતો જનસમુદાય
2. શબ્દસમૂહ: અધ્ધરપધ્ધર વાતો કરવી
3. રૂઢિપ્રયોગ: ઊભી પૂંછડીએ ભાગવું
4. શબ્દાર્થ: ખાલીપીલી
5. શબ્દાર્થ: આગેવાન

જવાબ જોવા અહી ક્લિક કરો

૧. સરઘસ | ૨. ઉડાઉ જવાબ આપવો | ૩. જીવ લઈને ભાગવું | ૪. વગર કારણે / અમથું | ૫. નેતા / આગળ ચાલનાર

LO: G6.2.1 અને G6.3.1 વિગતો શોધે છે

ગુણ: ૦૫

પ્રશ્ન ૨: એક-બે વાક્યમાં ઉત્તર લખો.

1. શહેરના ચાર રસ્તે લોકો શેનાથી મારામારી કરતા હતા?
2. ગવરી ગાય માંદી હતી ત્યારે ડૉક્ટરને કોણે બોલાવેલા?
3. ટૉમીએ કયું સરઘસ કાઢવાની વાત કરી?
4. માણસને સ્વાર્થનો સગો કેમ કહ્યો છે?
5. પ્રાણીઓના સરઘસને જોઈને માણસો તેને કયો યુગ કહે છે?

જવાબ જોવા અહી ક્લિક કરો

૧. લાકડી અને પથરાથી. | ૨. તેના માલિકે. | ૩. દોસ્તીનું સરઘસ. | ૪. કારણકે માણસ માત્ર પોતાનો સ્વાર્થ જુએ છે. | ૫. સતયુગ.

LO: G6.4.1 કોણ બોલે છે / ઘટનાક્રમ

ગુણ: ૦૫

પ્રશ્ન ૩: માંગ્યા મુજબ ઉત્તર લખો.

વાક્ય કોણ બોલે છે તે જણાવો:

1. "આપણે શું કરીએ? એમને લડવાની ના શી રીતે પાડીએ?"
2. "માણસજાતની વાતમાં વચ્ચે પડવા જેવું જ નથી."
3. "એને કરફ્યુ કહેવાય."

નીચેના વાક્યોમાંથી સાચું વાક્ય શોધો (ખરું કે ખોટું જણાવો):

4. ટૉમીની વાત સાંભળીને લાલુ બકરો અમથી વાતો કરવા લાગ્યો.
5. ભોલુની ફોજ સાપને જોઈને ઊભી પૂંછડીએ ભાગશે.

જવાબ જોવા અહી ક્લિક કરો

૧. ગવરી ગાય | ૨. ગંગુ ગધેડો | ૩. કાળુ કૂતરો | ૪. સાચું | ૫. સાચું

LO: G6.5.3 વિશેષણ અને વિશેષ્ય

ગુણ: ૦૫

પ્રશ્ન ૪: વ્યાકરણ વિભાગ.

વાક્યને નમૂનેદાર (વિશેષણ વાપરીને) બનાવો:

1. ભીમની ગદાનું વજન વધારે છે. → _______
2. ટમીના અક્ષર સરસ મરોડવાળા છે. → _______
3. આહ! આ પ્રવૃત્તિ કેવી મજાની છે! → _______

આપેલા શબ્દોમાંથી વિશેષણ શોધીને લખો:

4. ઠીંગણું બાળક
5. કાટવાળો સિક્કો

જવાબ જોવા અહી ક્લિક કરો

૧. ભીમની ગદા વજનદાર છે. | ૨. ટમીના અક્ષર મરોડદાર છે. | ૩. આહ! આ પ્રવૃત્તિ કેવી મજેદાર છે! | ૪. ઠીંગણું | ૫. કાટવાળો

LO: G6.4.4 અને G6.7.6 વિચારણાની રજૂઆત

ગુણ: ૦૫

પ્રશ્ન ૫: સવિસ્તર ઉત્તર લખો.

સરઘસને ‘નવી નવાઈનું સરઘસ' શા માટે કહ્યું હશે? અને આ સરઘસ જોઈને માણસોએ શું કર્યું?

મૂલ્યાંકન માર્ગદર્શિકા જોવા અહી ક્લિક કરો

જવાબના ૫ મુખ્ય મુદ્દાઓ (દરેક મુદ્દાનો ૧ ગુણ):

1. આ સરઘસમાં દુશ્મન ગણાતા પ્રાણીઓ જેવા કે સાપ અને નોળિયો સાથે ચાલતા હતા.
2. બિલાડી પાસે ઉંદર અને કૂતરા પાસે બિલાડી હળીમળીને ચાલતા હોવાથી આ સરઘસ અનોખું અને નવી નવાઈનું હતું.
3. પ્રાણીઓને આમ સંપીને ચાલતા જોઈને લડતા માણસોને આશ્ચર્ય થયું અને શરમ આવી.
4. માણસોને સમજાયું કે પ્રાણીઓ ચોપડી વાંચ્યા વગર પણ સંપથી રહે છે તો આપણે કેમ નહિ.
5. છેવટે માણસોએ પથરા અને લાકડીઓ ફેંકી દીધી, લડાઈ બંધ કરી અને તાળીઓ પાડીને પ્રાણીઓને વધાવી લીધા.